بنسمع كتير عن المذابح والابادة اللى ارتكبها العثمانلية ضد الارمن واللى اعترف الكونجرس الامريكى اخيرا بانها ابادة جماعية وطالب بفرض عقوبات على تركيا .. مين هما بقى الارمن وفين بلادهم واية الاسباب اللى ادت للمذبحة دى وازاى تم تنفيذها دا اللى حانعرفه النهاردة خليكم معانا انا ايمان مطر مع دكتور علاء حمودة وحواديت ايمان مطر
مين هما الارمن
وتاريخهم اية
دكتور محمد رفعت الإمام،
أستاذ التاريخ الحديث، بيوصف الشعب الأرمنى بانه واحد من أقدم شعوب الأرض، وهم مجموعة عرقية اصلية وشعب ليه تراث ثقافى قديم وعددهم حاليا مابين ستة الى 8 مليون نسمة حول العالم
مكان تواجدهم فين
دولة ارمينيا الحالية
هى جزء من ارمنينا التاريخية واللى بتقع في منطقة جنوب القوقاز، بين البحر الأسود وبحر قزوين، جارتها من الشمال والشرق جورجيا وأذربيجان ومن الجنوب والغرب كل من إيران وتركيا.
اية صلة الاتراك بيهم
تعرضت ارمينيا لغزوات متلاحقة من قديم الزمن نظرا لموقعها المتميز
بين قارات العالم القديم ..وطبعت كانت
معظم الغزوات من جارتها تركيا وفي عهد السلطان العثمانى "مراد
الثالث" اللي قتل اخواته الخمسة، بقت أرمينيا بالكامل ولاية عثمانية
بعد
الحرب العالمية الأولى، الدولة العثمانية وقعت مع روسيا ودول المركز اتفاقية اسمها
"معاهدة برست ليتوفسك، كان أطرافها هم العثمانيين.. الاتحاد السوفيتي،
والإمبراطورية الألمانية، والإمبراطورية النمساوية المجرية، ومملكة بلغاريا.. خد
العثمانيين في المعاهدة دي من أرمينيا مدينتي "قارص" و"أردهان"..
الأرمن رفضوا الاتفاقية وحاربوا في شراسة، وطردوا الأتراك، وأعلنوا قيام جمهورية
أرمينيا، وأجبروا الأتراك كمان على الاعتراف بها،
نرجع
لحالة الارمن فى الدولة العثمانية وكانوا بيتركزا بشكل رئيسي في المقاطعات الشرقية
وانتشر بعضهم فى انحاء الدولة العثمانية و
هل
كان فى مذابح قبل كدا ضد الارمن من
الاتراك
فى السنتين مابين 1894 و1896 ثار الارمن ضد الترك فما كان من السلطان عبد
الحميد الثانى الا انه بعت لهم الكتائب
الحميدية لاخماد الثورة وبدأت المذابح ضدهم في مناطق زى بدليس وديار بكر وأرضروم .. كانت أوامر "عبد
الحميد الثاني" أن يتم القتل بأبشع الطرق . فيتصلبوا عرايا ويتحرقوا أحياء..
تختلف التقديرات حول أعداد
الأرمن الذين قُتلوا، ولكن الوثائق الأوروبية للمذابح، التي أصبحت معروفة باسم
المجازر الحميدية، وضعت أرقام بان عدد الضحايا يتراوح مابين 100 الى 300 الف أرمنى وتم ترحيل قسري لحوالي 546 الف من الأرمن والآشوريين
الابادة الجماعية الكبرى ..
الاسباب
فى الفترة من 1909 و1913 تولت حكومة الاتحاد والترقى الامور فى
الدولة العثمانية وقدموا وقتها مشروعهم التورانى واللى كان بيهدف لتطهير الدولة
العثمانية من العرقيات غير التركية يعنى ا لاتراك يرحلوا سكان البلد الاصليين اللى
احتلوا اراضيهم وبقت ارض تركية والعرقيات دى هم الارمن والعرب والاكراد وعلشان تمهد لكدا اعلنت ان الارمن اللى على
الحدود مع روسيا هما جواسيس للدولة الروسية واعداء لتركيا
وعلشان الارمن تميزوا بثرائهم الشديد كانت إبادتهم جريمة تركية مشتركة، بين المسئولين والشعب نفسه
لان الطبقة البرجوازية التركية هى اللى سرقت أراضي وممتلكات الارمن ، بتعليمات من جمعية
الاتحاد والترقى واللى كانت بتجمع بيانات دقيقة عن ثروات الأرمن المُرحلين،
وانتهز الاتراك قيام الحرب العالمية الاولى وفى يوم 24 ابريل سنة 1915 صدر قرار بالقبض على 600 من
النخب السياسية والاقتصادية والفكرية والدينية الارمنية وارسالهم للمعتقلات قبل
قتلهم و احتمت الدولة العثمانية فى تنفيذ جريمتها بتحالفاتها مع دول المحور
"ألمانيا، والنمسا والمجر"، اللى سكتت عن ابادة الارمن
خطوات تنفيذ المذبحة
بدأت الصحافة التركية تمهد
وتستعدى الناس ضد الارمن ووصفتهم بانهم «أعداء
الداخل»، وبخونة الوطن والمتضامنين مع الحلف الثلاثى (فرنسا- بريطانيا- روسيا).
والتآمر على أمن الدولة ووعدت الجمهور بانتظار إجراءات جذرية فى حق الجماعة
الأرمنية كلها.
فى الوقت دا تركيا لم تسمح لأى مراسل صحفى اجنبى بالدخول إلى
أراضيها، وقطعت خطوط التلغراف علشان تضمن أن مفيش شهود على جريمتها بس اللى فضح
المذابح هم الالمان اللى كانوا حلفاء تركيا ساعتها وشهدوا باللى شافوه وكل الصور
اللى بتوثق المذابح كانت من الالمان وكان منهم الضابط الالمانى أرمين فاجنر اللى قدر يلقط عشرات الصور لعذابات الشعب
الارمنى فى الصحراء اثناء الابادة الجماعية ووصل عدد كبير من الصور دى لالمانيا
والولايات المتحدة سرا
ونشأت قوافل المهجرين وبدأت من 6 أقاليم أرمنية ذات كثافة سكانية
موجودة فى شرق الأناضول- طرابزون، وأرضروم، وبتليس، وفان، وديار بكر، ومعمورة
العزيز، ومنطقة ماراس-
وتم تنفيذ الابادة على مراحل
كان اولها التخلص من رجال
وشباب الارمن اللى بيشاركوا فى صفوف الجيش التركى و بيتراوح سنهم مابين 20 الى 40
سنة ، وجه
قرار وزير الحرب "أنور باشا"، بنزع سلاح المجندين الأرمن من صفوف الجيش
ونقلهم إلى أفواج عمل، قبيل قتلهم فى جماعات صغيرة فى أماكن بعيدة ومن حالفهم الحظ من الأرمن كانوا أسرى عند الجيش
الروسى فى معتقلات سيبيريا. وتم تتريك الأطفال الأرمن، وتحويلهم إلى القومية
التركية بالغصب لاستخدامهم كخدم أو لاستغلال فتياتهم جنسيًا.
وبعدين تم ترحيل النساء
والأطفال والمسنين والعجزة في مسيرات الموت المؤدية إلى الصحراء السورية ولمسافة
1000 كيلو متر فى طقس شديد الحرارة خلال شهور مايو ويونيو ويوليو وبعد أن تم ترحيلهم مع عساكر
عثمانلية أتسلى الضباط الأتراك بالتنكيل بهم وتعذيبهم حتى الموت فى الطريق. فتم
تجريدهم من ملابسهم وحرمانهم من الاكل والمية واتعرضوا للسرقة
الدورية والإغتصاب والمجازر وبطبيعة ظروف الترحيل والتهجير
القاسية، مات مئات الآلاف من الأرمن قبل
وصولهم إلى المخيمات، وتم قتل كثير منهم أو اختطافهم، فى حين لقى بعضهم ان الانتحار ارحم من اللى بيشوفوه .
وتم تخصيص قوافل للنساء حيث تم تجريدهم من ملابسهم وصلبهم عرايا على جذوع الاشجار
ووضع العشرات منهم فى عربات نقل مقفولة واطلاق غاز قاتل داخل هذه العربات ونظرا
لبشاعة المشهد لم استطع تضمينه فى التقرير
مين المسئولين الاتراك عن المذابح
كانت التعليمات بتصدر من أعلى مستويات حكومة الاتحاد والترقى وكان
أبرز مجرمى الإبادة بحق الأرمن: طلعت باشا (وزير الداخلية) واللى اغتاله شاب ارمنى
فى المانيا سنة 1921 ، وإسماعيل أنور باشا (وزير الحرب)، وبهاء الدين صقر (المدير
الميدانى للمنظمة الخاصة)، ومحمد ناظم (زعيم التخطيط الديموغرافى).
وواصلت الحكومة التركية جريمة الإبادة بحصار الأرمن داخل أراضيهم، بحيث
خصصت اللوائح الحكومية للسكان الأرمن ما لا يزيد عن 10% من مساحات معينة (وفى بعض
المناطق، لا تزيد المساحة المخصصة لهم عن 2%)، وتقتصر المستوطنات المطلوبة على 50
أسرة وتقع بعيدة عن كل من خط السكة الحديدية ببغداد وعن بعضها بعضًا، ضمانًا لعدم
وجود العرق الأرمينى والقضاء عليه.
الارقام بترصد الضحايا مابين مليون ومليون ونص أرمنى تم القضاء عليهم
فى المذبحة الكبرى
المعترفين بارتكاب جريمة الابادة بحق الارمن
فى 31 دولة اعترفت بجريمة الابادة وكانت احدثها الولايات المتحدة
الامريكية ومصر و فرنسا وألمانيا وبلجيكا ولتوانيا وبلغاريا وهولندا وسويسرا
واليونان والأرجنتين وأوروغواي وروسيا وسلوفاكيا والنمسا.
طب تاخد المفاجاة .. الدولة العثمانية نفسها اعترفت سنة 1919بارتكابها
مذبحة وإبادة جماعية للارمن حيث اقرت حكومة "الداماد محمد فريد باشا بالمذابح
" واصدرت
المحكمة العسكرية العثمانية وقتها أحكام إعدام بحق القادة العثمانيين المشاركين في
المذابح.. صحيح كان حكم "تمثيلي" لإرضاء أوروبا، وبعدين أصدرت عفو عام
عن المحكوم عليهم.. بس كان اعتراف رسمي.
اتاتورك بينفى المذابح
لما سقطت الدولة العثمانية، على يد مصطفى "كمال
أتاتورك"، اللى أنكر المذابح الأرمينية مرة تانية.. لأنه اكتشف الثمن الكبير اللي
حتدفعه تركيا من الاعتراف بالمذابح دي.
وأول حاجة هي التعويضات.. جرائم الإبادة الجماعية لا تسقط
بالتقادم.. ومعنى دا أن الجريمة متعلقة في رقبة تركيا ليوم الحشر المبين.. كل ابن
لأي حد مات في المذبحة.. كل حفيد.. كل حفيد حفيد لسه موجود، وأجداده اتقتلوا في مذابح الأرمن، يحق له أنه يطالب
تركيا دوليًا بتعويضات مالية.
تركيا ساعة المذابح استولت من الأرمن وقتها على حوالي عشرين مليون
جنيه من الذهب، كأموال سائلة.. غير العقارات والأصول الثابتة، اللي كان بيمتكلها
الأرمن، غير أن بعضهم كان له عقارات داخل الأراضي التركية.. كل دا لازم يترد..
وبقيمة النهاردة.
أما المصيبة الكبير، واللي كان بيخشى منها "أتاتورك"، هي
أن ثلث الأراضي التركية ممكن تتاخد منها.. ثلث الأراضي في شرق تركيا كانت في الأصل
أراضي أرمينية.. وانتزعتها الدولة العثمانية بالغصب وضمتها لحدودها، زي ما عملت في
لواء الاسكندرون السوري.
طيب
هو اعتراف الولايات المتحدة بالمذبحة يفرق في إيه؟
ما في دول ومنظمات كتير معترفة .. الجديد فى
اعتراف امريكا انه يسمح للارمن بطرح قضيتهم على الأمم المتحدة وبالتالي محكمة
العدل الدولية، وتطالب بتعويضاتك وتتحصل على قرارات من غير ما أمريكا تقرفك
بالاعتراض.. الفيتو.. لأنه خلاص هي معترفة بالمذبحة كأمر واقع حصل... فهل ياترى
حايتم دا واضح ان الايام الجاية بتحمل كتير من المفاجات
اذا عجبك التقرير ف متنساش تدوس لايك وتشترك فى القناة
ليصلك كل جديد 