مرحبًا بك في مدونة ايمان مطر صحفية مصرية محترفة ، ذات خبرة تمتد لأكثر من ثلاثين عامًا في بلاط صاحبة الجلالة. حاصلة على بكالوريوس ادارة الاعمال ثم دبلوم دراسات عليا في الصحافة، وهي الصحفية الوحيدة التي اجتازت دورة إعداد القادة بمركز إعداد القادة التابع لوزارة قطاع الأعمال في مصر2017 ، ما يمنحها رؤية تحليلية متعمقة وشاملة للأحداث والشؤون العامة سواء سياسية واقتصادية وثقافية ، جميعها موثقة ومدعومة بالمصادر والتحقيقات الدقيقة. وبمحتوى احترافى يجمع بين التحليل الرصين والخبرة الميدانية،
وبنواصل كشف حقيقة فلاد دراكيولا القائد الرومانى الذى تصدى لدموية العثمانيين وكان الجزاء من نفس جنس العمل وبعد ما فلاد دراكيولا نصب اكتر من فخ لمحمد الفاتح زى ماقولنا فى الجزء الاول حاتلاقي اللينك بتاعه فوق فى الدايرة البيضا .. بيتقدم "محمد الفاتح" عبر جنوب رومانيا.. لمدة سبع أيام من غير لا أكل ولا شرب هو وجنوده.. وبيوصلوا أخيرًا لمشارف المدينة.. وهنا.. بيلاقوا مجموعة بيوت.. مفيهاش غير ستات غجريات بيرعوا شوية دواجن ومواشى .. فبيقبض عليهن وبيأمرهم بالشرب من النهر الصغير اللى موجود . ولما شربوا وملقاش اى واحدة منهم جالها تسمم فابينزل هو وجنوده يشربوا المية ودبحوا المواشى والدواجن وبداو يريحوا اخيرا .وبعد الراحة، جه وقت المتعة.. فجابوا الستات اللى قبضوا عليهم وبداو الحفلات الحميمة وسط الجنود وكانت الستات الغجريات مرحبين جدا بالموضوع وبينتقلوا من خيمة إلى أخرى بنشاط كبير لسبب مش مفهوم.. واستمرت حفلة الأنس دي كام يوم .. وحاولت الستات يتقربوا من الفاتح لكن مكنش ليه مزاج خالص لانه اكتشف انه فقد حوالي 50 ألف جندي.. من غير قتال ومن غير مايقابل فلاد اصلا وعلشان كدا قرر يستغل الأيام دي لأعادة ترتيب صفوفه.. ويسيب الجنود تنبسط عشان ميثوروش عليه.بعد كام يوم بيقرر الفاتح انه يواصل الزحف لكن بيتفاجأ بمصيبة سودا تانية لقى الجنود جالتهم حمّى ورجفة وقيء واسهال حاد وضعف عام.. ونزيف ودم مابيتجلطش وللحظة مافهمش " الفاتح" اللي بيحصل وتصور أن الجنود تسمموا من جديد بس اكتشف الحقيقة المرة لما لقى ستات المتعة عندهم نفس الاعراض .. ساعتها فهم ان الطاعون انتشر بين جنوده وان دراكيولا دبره مكيدة محكمة لانه عارف ان الجنود مش حايقدروا يمسكوا نفسهم قدام الستات .. وانتشر الطاعون في معسكر العثمانيلية زى النار مابتنتشر فى القش ونسيبكم تكملوا مشاهدة الفيديو الممتع
