الخيشة: وسيلة العثمانلية البشعة لقتل جواريهم
تقرير: ايمان مطر
العثمانلية اتفننوا فى اختراع وسائل التعذيب قبل الموت وزى مااخترعوا الخازوق كوسيلة تعذيب واعدام بشعة للرجال اخترعوا برضه وسيلة اعدام بشعة للستات تعالوا نشوف كانوا بيموتوهم ازاى.اهلا بيكم
كانت اى جارية يتغضب
عليها يكون مصيرها التغريق وبيعتبر السلطان العثماني إبراهيم الأول او ابراهيم
المجنون اللى عاش من سنة 1615 لسنة 1648م ،
أشهر واحد ارتكب الجرايم دى ضد حريم قصره نتيجة لجنون الشك اللى كان عنده وشعوره
ان فى جوارى بيتجسسوا عليه لصالح امه اوسم فكان اى جارية يشك فيها يأمر عبيده انهم
ياخدوها ويطلعوا على نهر البوسفور وهناك يربطوا ايدين ورجلين الجارية ويحطوها فى
شوال جيش ويحطوا ربع الشوال حجارة تقريبا ويحطوا معاها قطة او كلب ويربطوا الشوال
من فوق جامد ويرموه فى المية بالليل وطبعا الحيوان لما يلاقى نفسه بيغرق بيحاول
ينقذ نفسه باسنانه وضوافره فبيفضل يعض ويخربش فى الجارية اللى بتصرخ من الالم
لغاية ماتغرق .. كام واحدة بقى غرقها وصل عدد ضحاياه ل 280 جارية .
وبعد السلطان المجنون ده ب 200 سنة جم
الانكشارية وقتلوا السلطان مصطفى الرابع وحطوا مكانه محمود التانى واللى لما اتولى
قتل 200 جارية من جوارى السلطان اللى سبقه بنفس الطريقة عشان كان خايف ان واحدة
منهم تكون حامل وتجيب ولد ينافسه على العرش
وبالتأكيد
الفترة اللى مابين الاثنين المجانين دول كانوا بيمارسوا نفس الجريمة فى حق اى
جارية تحمل من سلطان والسلطانة الزوجة تتخلص منها بتغريقها بالخيشة
الحكاية عندهم
مقتصرتش على الحوارى بس لكن كان على اى واحدة ست ماتعجبش اى قوة داخل القصر
والانكشارية كانوا قوة كبيرة وفى القرن الستاشر اخدوا ست يهودية اسمها سبرانزا
مالخى ودى كانت بتتحكم فى المالية العثمانية بصورة كبيرة وكان ليها نفوذ كبير
وواسع جوه الحرملك العثمانلى ودا معجبش الانكشارية فاخدوها وربطوها جوا شوال خيش
مع اضافة حيوان معاها ورموها فى البوسفور
هل دا كان بيتم فى
اسطنبول بس .. للاسف لآ .. كان العثمانلية بيعمموا العقوبات البشعة دى فى كل الدول
اللى احتلوها وكانوا بيبتكروا فيها طرق اكثر بشاعة من اللى قبلهم زى ما بيقول الشيخ
أحمد بن إبراهيم الصابوني وهو مفكر سورى واحد المجددين فى عصر النهضة العربية
اواخر القرن التسعتاشر واللى عاش (1875- 1916) في كتابه (تاريخ حماة)
انهم كانوا
بيحطوا المراة فى كيس خيش كبير ويحطوا الجير الحى حواليها ويربطوا الشوال ويرموه
فى نهر العاصى بحجة انها زانية مع أن الشرع نص برجم المحصنة وجلد المراة غير
المتزوجة اذا ثبت انها زنت بشهادة اربعة اشخاص ويكشف الشيخ الصابونى ان كتير من
النساء الحرائر الابرياء قبلوا بالموتة دى لعزة نفسهم وعشان يحافظوا على شرفهم
لانهم كانوا ابرياء ورفضوا يعملوا حاجة حرام مع الحكام العثمانلية ساعتها
الشيخ اكد أن العقاب
بالخازوق والخيشة كانوا منتشرين اوى في مدينته حماة ودا كان من ابشع انواع القتل
والتعذيب ولايقره شرع او قانون مدنى ومعملتوش اى دولة فى العالم من قبل العثمانلية
.
دا كان تقريرنا
النهاردة اذا عجبك ماتنساش تدوس لايك وتشترك فى القناة ليصلك كل جديد .. تحياتى
